I ftuar në emisionin Java në RTSH, ish-ministri Sandër Lleshaj për të folur në lidhje me bllokimin e Rinasit nga protesta e kontrollorëve, u pyet nëse ishte ky momenti i duhur për këtë grevë.
Lleshaj tha se ishte momenti më i gabuar. Sipas tij, meqë kontrollorët kanë pritur një vit e kanë marrë ato paga, le të prisnin edhe një muaj.
“Momenti i zgjedhur ishte më i gabuari. Kur kanë pritur një vit le të prisnin dhe një muaj. Një kontrollor tani paguhej me 2500 euro. Ne kemi ndërtuar një sistem të pagës absurd që i paguajmë njerëzit duke u bazuar në dëmin që mund të na bëjnë.”
Sa i përket cënimit të NATO-s nga greva, Lleshaj u shpreh se NATO-s ne nuk mund t’i bëjmë asgjë, thjesht është cënuar imazhi i Shqipërisë.
“Kjo grevë cënon imazhin e Shqipërisë, NATO-s ne nuk mund t’i bëjmë asgjë.”, u shpreh ai/ b.h
