Martin Kapllanaj, i cili nën kërcënimin e armës tentoi të grabiste një argjendari në Vlorë është lënë në burg.
Në seancën e zhvilluar sot në Gjykatën e Vlorës, Kapllanaj është njohur me masën e sigurisë arrest në burg.
Klan News bën me dije se gjyqtare e çështjes ka qenë Vjola Canaj, e cila ka vlerësuar që Kapllanaj duhet të qëndrojë në burg.
Po ashtu bëhet me dije se policia i ka sekuestruar atij armën dhe plumbat manovër, ku pas grabitjes terrorizoi qytetarët duke qëlluar disa herë në ajër.
Grabitja ndodhi dy ditë më parë në qendër të Vlorë, ku autori u kap pak metra larg argjendarisë, pasi nuk mundi që të shpëtonte duke ikur me vrap.
Ai arriti që nën kërcënimin e armës të merrte një sasi të konsiderueshme me bizhuteri, por u kap menjëherë nga policia.
