Një 37-vjeçar që akuzohet se ka kryer disa vjedhje në Durrës, Krujë dhe Lezhë është vënë në pranga. Policia e Durrësit bën me dije se është arrestuar Y. K., 37 vjeç, banues në fshatin Zallë, Krujë, i cili akuzohet se është autori i disa vjedhjeve.
Autoritetet sqarojnë se 37-vjeçari “më datë 31.03.2021, dyshohet se ka vjedhur disa pajisje shtëpiake në banesën e shtetasit S. Ll.”
Po ashtu kundër tij rëndon dhe akuza e vjedhjes së një arme gjahu, ka vjedhur 2 banesa dhe ka tentuar të vjedhë dhe dy banesa të tjera në Lezhë.
Tashmë 37-vjeçari është arrestuar dhe policia nga kontrollet e ushtruara në banesën e tij ka gjetur dhe sekuestruar në cilësinë e provës materiale një armë zjarri pushkë, 7 fishekë dhe vegla pune që dyshohet se i ka vjedhur.
Specialistët e Komisariatit të Policisë Durrës arrestuan shtetasin P. P., 40 vjeç, banues në Durrës.
Ky shtetas, në periudha të ndryshme kohore, në vende të ndryshme në Durrës, dyshohet ka vjedhur 5 biçikleta, në pronësi të shtetasve E. K., F. H., A. A., A. H. dhe H. H.
Materialet i kaluan Prokurorisë së Rrethit Gjyqësor Krujë dhe Prokurorisë së Rrethit Gjyqësor Durrës, për veprime të mëtejshme.
g.kosovari
