Autori i golit të vetëm të Kombëtares shqiptare në miqësoren me Spanjën, Myrto Uzuni theksoi se kishte shumë kohë që priste të shënonte me përfaqësuesen, teksa shtoi se i erdhi keq që u mundën.
Duke folur për emisionin “Kuqezi”, sulmuesi theksoi se e përjetoi shumë këtë gol, pasi kishte kaluar kohë shumë të vështirë që nga rastet që kishte humbur me Anglinë dhe Hungarinë dhe zbuloi se kishte marrë mesazhe që e kanë bërë të ndihet keq.
Pësimi në minutat e fundit: “Është e drejtë të pësojmë gola në minutat e fundit me ekipet e mëdha, por ishte keq që e pësuam në këtë ndeshje pasi bëmë një lojë të mirë.”
Dyshja Uzuni-Broja: “Kam shumë besim te vetja dhe në formë të mirë, por kjo i takon trajnerit e di ai si do luajmë.”
Emocioni te goli: “Jam kritikuar shumë në Shqipëri dhe ka qenë një periudhë e vështirë për mua pasi kam marrë mesazhe të shumta në rrjetet sociale, pas rasteve të humbura ndaj Hungarisë dhe Anglisë dhe kisha shumë kohë që e prisja këtë gol.”
