U thotë një gënjeshtër policëve dhe dërgon në burg për pesë muaj një të pafajshëm.
Anglezja Hayley Carter, 23 vjeçe nga Crawley, West Sussex, u dënua me një vit burg këtë të hënë, për dëshmi të rremë, pasi me gënjeshtrën e saj bëri që të burgoset një i pafajshëm.
Vetëm pas disa muajsh vajza deklaroi se kishte gënjyer kur kishte thënë se shoku i saj kishte qëlluar me një armë zjarri të vjedhur.
Ngjarja ka ndodhur gjatë festave të fundvitit të vitit të kaluar, kur i riu kishte dalë për të festuar.
Djali as nuk kishte qëlluar dhe as nuk kishte qenë në vendin ku ndodhi ngjarja. Gjatë procesit gjyqësor vajza u zbulua nga një video e paraqitur nga pala mbrojtëse, ku gjatë orarit kur kishte ndodhur ngjarja, i riu ndodhej në banjën e një lokali tjetër, kështu që Hayley u detyrua të rrëfehet.
Gjyqtari jo vetëm që e anuloi dënimin ndaj të pafajshmit, por e dënoi 23- vjeçaren me një vit burg./a.k
