Në Arkivin e Kosovës ekzistojnë dokumente që janë nga Shtabi i Përgjithshëm i UÇK’së. Mirëpo, aty s’është asnjë dosje e kohës së Serbisë. Gati 20 vite pas përfundimit të luftës, dokumentet e tilla ende nuk janë kthyer në Kosovë. Zyrtarët e Qeverisë kanë thënë se shteti serb s’po e zbaton marrëveshjen për kthimin e dokumentacionit.
Agjencia Shtetërore e Arkivave të Kosovës ka pak materiale nga lufta e viteve 1998-99. Në këtë institucione kanë pranuar dokumente veç nga shtabi i Ushtrisë Çlirimtare të Kosovës (UÇK) në Likovc.
Dokumentet e rëndësishme të shtetit por edhe të policisë të së ashtuquajturës UDBA serbe, nuk gjenden në Kosovë. Ato që dikur ishin pjesë e Kosovës sot i ka nën kontroll shteti serb.
Por vajtja në Bruksel për të negociuar del të jetë më e komplikuar për kosovarët.
Këta të fundit nuk po arrijnë të bindin Serbinë që dëshmitë e shtetit kosovarë të kthehen në origjinë.
Shefi i negociatave me Serbinë, në Qeverinë e Kosovës, Avni Arifi për T7 ka bërë të ditur se një kërkesë e ekzekutivit është bërë që të kthehen këto dokumente por që nuk është impletuar nga shteti i Aleksandër Vuçiçit. /b.d
