Një ish-pjestar i klubit të Brentford ka zbuluar një ngjarje interesantë të ndodhur para 3 vitesh ku protagonist është një futbollist shqiptar. Bëhet fjalë për Besar Halimi, lojtarin 23-vjeçar të Kosovës që aktualisht aktivizohet me Brondby të Danimarkës.
Ish-punëtori i klubit, Ted Knutson, nëpërmjet një statusi në ‘Twitter’ zbulon se humbja e fluturimit drejt Londrës, i kushtoi futbollistit mos transferimin te Brentford.
“Duke hulumtuar nëpër dosjet e vjetra. Nuk kishte asnjë lojtar në ekipin tonë të Brentford që ishte më i gëzuar se ky djalosh. E kishim përzgjedhur si mesfushor qendror ofensiv. Kishim marrëveshje për gjithçka dhe më pas ai nuk fluturoi për testet mjekësore pavarësisht se ishte në aeroport”, ka shkruar ai.
Si rrjedhojë, Halimi nënshkroi për Mainzin, por nuk luajti për ekipin e parë, ndërsa u paraqit 24 herë për ekipin B. Më pas u huazua te Frankfurti ku shënoi katër gola për 28 ndeshje.
Këtë sezon, Halimi është huazuar te Brondby në Danimarkë dhe ka realizuar tetë gola në 24 paraqitje. Ai ka luajtur nëntë herë për Kosovën dhe ka shënuar një gol.
a.ç
