Kryetari i Partisë Demokratike, Sali Berisha ka hedhur akuza të forta ndaj ish-drejtueses së SHISH, Vlora Hyseni, gjatë një komunikimi me gazetarët.
Berisha komentoi edhe sulmin e ish-shefes së Shërbimit Informativ Shtetëror, Vlora Hyseni, ndaj gazetares Klodiana Lala, pasi kjo e fundit e pyeti nëse kishte shpërndarë sekrete shtetërore te eksponentë të krimit.
Kreu i PD-së u shpreh se sulmi verbal i Hysenit ndaj gazetares, duke aluduar për takime të sajat me agjentë serbë në Tiranë, është shpifje dhe hakmarrje e ish-shefes së SHISH për të vërtetat që gazetarja zbulon për publikun e gjerë.
“Që SHISH ka pasur në përgjim gazetarë, e kam konstatuar para jush. Por kjo gjë nuk u ka pëlqyer gazetarëve. Kjo është një shefe ordnere. Që t’u përgjigjesh gazetarëve në atë mënyrë, dëshmon se është hakmarrëse e verbër. Shpif për një gazetare që sulmon atë dhe padronin e saj. Në rast se ka pasur takime, se kë takon ti dhe se çfarë është në agjendë, s’ka lidhje me bashkëpunimin. Nëse shërbimi ka pasur një operacion, por tregon se s’ka pasur, është vetëdemaskim. Ajo përdor postin për të bërë një shantazh ndaj gazetarëve, pasi ky është problem i madh. Se do të shantazhojë dhe prokurorë e gjykatës. Është proces në vijim. E akuzon për mbrojtje të kriminelit dhe nxjerrje të sekretit. Akuza se si të lehtësohet, kur ajo ka kryer veprat më të rënda. Pas saj është Edi Rama. Ata gazetarë që kanë takuar Vlora Hysenin, të bëjnë gati dosjen, shoqatat e gazetarëve, që t’i demaskojnë se rrezikojnë të paktën 5 vite burg. Siç ishte Berati, që thoshte: e kam mikeshë. Batoni shkruajti shkrimin se Vlora e kishte dashurinë në funksion të shërbimit. I dëgjoni marrëzitë, që të kanalizohej te historia rozë. Edhe Albatrosi në ato ujëra”, tha Berisha.
