Prilli ka ardhur me gjithë ngrohtësinë pranverore dhe kodrat e Liqenit Artificial të Tiranës gëlojnë nga njerëzit dhe britmat e fëmijëve. Kësaj atmosfere duket se i ka ardhur në ndihmë edhe dita e pushimit për shkak të Festës së Pashkës.
Këtë ditë pushimi e ka shfrytëzuar edhe kryebashkiaku Erion Veliaj me bashkëshorten e tij, Ajola Xoxa, të cilët janë fotografuar dje të kapur dorë për dore, në një moment të bukur, duke i qeshur njëri-tjetrin, pasi morën pjesë në ceremoninë e pagëzimit të Sotirit, bebit të parë që Veliaj i dha çekun e bebes në 1 Janar 2016.
Për Veliajn, ecjet dhe vrapi nga liqeni janë kthyer në diçka të zakonshme. Investimet e bashkisë për korsi vrapimi dhe biçikletash ia kanë kthyer gjallërinë parkut të Tiranës./a.ç
