Një qytet i madh i lashtë është zbuluar në Amazonë, duke përdorur teknologjinë lidar. Përmes kësaj teknologjie, shkencëtarët “depërtuan” nën pyjet tropikale. Vendbanimet, të ndërtuara nga komunitetet Casarabe midis viteve 500-1400 pas Krishtit, ndodhen në Bolivi.
Teknologjia depërtoi nën bimësinë e Amazonës, ku u zbuluan fshatra, qytete dhe fusha të mëdha. “Sistemi lidar ka zbuluar tarraca, rrugë të drejta, rrethime me pika kontrolli dhe rezervuarë uji. Ka struktura monumentale që janë vetëm një milje larg njëra-tjetrës.”, tha José Iriarte nga Universiteti i Exeter.
Nuk është ende e mundur të vlerësohet se sa njerëz jetonin atje. Megjithatë, faqosja e vendbanimit sugjeron se ai ishte mjaft i populluar. Hulumtimi, nga Deutsches Archäologisches Institut, Universiteti i Bonit, Universiteti i Exeter dhe ArcTron 3D është publikuar në revistën Nature./m.j
