Vajza në plan të parë quhet Madersahi Barajyikna, dhe është autorja e kësaj fotoje, bashkë më shokët turq gjatë udhëtimit të tyre drejt Kobanit për disa aktivitete humanitare. E ka publikuar këtë foto në Twitter direkt pas atentatit të së hënës 20 korrik, që vrau 30 persona e shkaktoi mbi 100 të plagosur.
“Jam gjallë, jam mirë, por vajza me bluzë të bardhë pas meje vdiq”- ka shkruar Madersahi pak orë pas shpërthimit të tmerrshëm. Shpërthimin e realizoi një vajzë e re, që sapo kishte mbushur 18 vjeç, një kamikaze që kishte vendosur të hidhej në erë në kopshtin e qendrës kulturore të Suruç-it, qytet turk në kufijtë e Sirisë, ku edhe mbahej një konferencë mbi rikonstruksionin Kobanit.
Madersahi dhe shokët e saj në fakt ishin nisur për të ndihmuar në rimëkëmbjen e qytetit kurdo- sirian, i cili ishte çliruar pas muajsh pushtimi nga xhihadistët e shtetit islamik, dhe do të qëndronin aty deri të djelën me dëshirën për të ndërtuar një bibliotekë, të rimbillnin një pyll e të ndërtonin një park lojrash për fëmijë.
“Në këtë foto – tregon vullnetarja, ishim duke festuar sukesesin e ri elektoral të Hdp, partisë filokurde, që në zgjedhjet e fundit arriti 12.9% dhe shkoi në parlament me 80 deputetë”. Më pas, entuziazmi dhe ëndrrat u prenë në mes nga akti tragjik i dhunës, i pari që mban firmën e ISIS në Turqi.
