Me një shpejtësi 185 km në orë, Uragani Dorian goditi bregdetin Juglindor të Shteteve të Bashkuara me erë dhe shira të fortë, duke lënë pa energji elektrike më shumë se 260,000 shtëpi dhe biznese
Pasi shkaktoi vdekjen e 30 vetëve dhe shkatërrim të jashtëzakonshëm në Bahamas, Dorian vazhdoi drejt brigjeve lindore të Shteteve të Bashkuara, duke kaluar pranë Floridës të mërkurën, por në një distancë relativisht të sigurt. Prej andej, stuhia e kategorisë 3 preku shkarazi Georgian dhe goditi bregdetin e Karolinës së Jugut me efekte më serioze.
Rreth 3 milionë njerëz në Florida, Georgia dhe në Karolinën e Jugut dhe të Veriu, u paralajmëruan të evakuohen, ndërsa stuhia afrohej dhe me mundësinë për të kërcënuar jetë njerëzish.
Të paktën 70,000 persona në Bahamas kishin nevojë për ndihmë të menjëhershme humanitare pasi Dorian u bë stuhia më e dëmshme që goditi ishullin kombi.
Ndërkohë vetëm në Karolinën e Veriut, më shumë se 900,000 njerëz ishin urdhëruar të largoheshin nga shtëpitë e tyre, por ishte e paqartë se sa vepruan kështu.
