Një 32 vjeçar banues në Babrru është kapur në flagrancë teksa kishte hyrë në një banesë për të vjedhur.
Fatkeqësisht për të, ai është pikasur nga pronarja e banesës 33-vjeçarja me inicialet A.L, e cila ka njoftuar menjëherë policinë.
Uniformat blu me të mbërritur në vendngjarje kanë kapur edhe në flagrancë 32-vjeçarin G.D.
“Ky shtetas në rrugën “Halit Haxhia” kishte hyrë për të vjedhur në banesën e shtetas A. L., 33 vjeçe, e cila sapo ka parë të riun ka njoftuar policinë. Me marrjen e njoftimit shërbimet e policisë kanë mbërritur menjëherë në adresën e dhënë ku kanë konstatuar brenda në banesën e shtetases A. L., 32-vjeçarin, të cilin e kanë kapur dhe arrestuar në flagrancë”, thuhet në njoftimin e policisë.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Vjedhje e mbetur në tentativë”./l.m
