Ish-deputeti demokrat, Ervin Salianji, u pyet në mënyrë të drejtpërdrejtë nga gazetari Blendi Fevziu nëse do të krijojë një forcë të re politike.
Ai e mohoi diçka të tillë duke u shprehur se i krijon hapësirat për veten dhe tij dhe se nuk ka marrë asgjë kot më kot në parti.
“Ne jemi PD-ja. Unë personalisht nuk largohem në asnjë moment. Unë i krijoj hapësirat. Nuk kam marrë asnjë gjë qyl. Siç e shikoni. Unë ngaqë flisja kështu hapur në 2021 më hoqën me një komision nga listat. Shkova mblodha njerëzit në Korçë dhe hyra prapë në listë”, tha Salianji.
Ish-deputeti demokrat Ervin Salianji, anëtari i Këshillit Kombëtar të kësaj force politike, Ilir Alimehmeti dhe disa nga demokratët më të votuar në zgjedhjet e 11 Majit, janë bashkuar duke nisur një tur takimesh me bazën nëpër qytete, ku bëjnë thirrje për një hapje dhe ripërtëritje të Partisë Demokratike.
Por këto takime duket se nuk janë pritur mirë nga kryedemokrati Sali Berisha, i cili e ka cilësuar turin paralel si axhendë personale. Ai hodhi akuza të drejtpërdrejta kundër këtij grupimi që, sipas tij, nuk bëri fushatë, por zgjodhën të pushojnë.
