Detaje të reja janë zbardhur nga ngjarja e rëndë që u shënua në Greqi në Chalandri, ku një shqiptare qëlloi me armë disa herë ish partnerin e saj grek, me të cilin kishte dhe një vajzë 12-vjeçe.
Klaudia Celo kishte shkuar pranë shtëpisë së ish burrit dhe kur ai kishte dalë nga makina e ka qëlluar 4 herë më armë në bark, në sy të vajzës së vogël.
Në lidhje me ngjarjen shqiptarja tha se ishte ish partneri grek që kishte nxjerrë armën dhe pretendonte se kjo ia mori nga duart dhe e qëlloi.
Dëshmi që është hedhur poshtë nga vajza 12-vjeçare, e cila tha se mami kishte nxjerrë armën dhe kishte qëllua mbi babin e saj, mjek okulist.
Për mediat greke sot foli edhe bashkëshortja e mjekut. Bashkëshortja e mjekut 68-vjeçar foli për ngacmime të vazhdueshme nga 49-vjeçarja, edhe pse familja kishte marrë masa paraprake ndaj saj.
Mjeku është në spital në gjendje të rëndë shëndetësore. Mjeku okulist në një operacion 8 orë i janë hequr 4 plumba.
/a.r
