Flet dhe Bollano: Rama të mos ndërhyjë mes 2 kishave, shkel Kushtetutën
Ish-kryetari i Bashkisë Himarë, Vasil Bollano e cilëson ndërhyrjen e qeverisë në prishjen e Kishës së Shën Thanasit si një shkelje e hapur e Kushtetutës.
Bollano thotë se në një shtet laik, qeveria nuk mund të ndërhyjë në një çështje që u takon të dy kishave, mbi të gjitha kur kisha ortodokse dhe ajo katolike, i kanë zgjidhur problemet mes njëra-tjetrës. Bollano akuzon qeverinë se e ka ngritur gjithë këtë debat fals për të shmangur vëmendjen nga problemet e përditshme të qytetarëve, të cilëve, sipas tij, qeveria nuk ka asnjë përgjigje për tu dhënë.
Cilësimet të kryeministrit se kisha e Shën Thanasit ishte një bodrum i mjerë, Vasil Bollano i pranon, duke shtuar se arkitektura e kishës ishte e dobët, por ky ishte një investim modest i banorëve, të cilin më vonë do të rimëkëmbej nga Kisha Ortodokse. Ish kryetari i Bashkisë Himarë hedh një tjetër akuzë ndaj procedurës së prishjes së kishës. Sipas tij ka shkelje ligjore nga ana proceduriale prej Bashkisë, sepse vula që është përdorur, për vendimin e INUV, është e vula e Inspektoratit Veterinar të Bashkisë Himarë.
