Numri i krimeve të dhunshme në Shtetet e Bashkuara të Amerikës është rritur 3,4 për qind në mbarë vendin gjatë vitit 2016, rritja vjetore më e madhe gjatë 25 vjetëve, njoftoi Byroja Federale e Hetimeve (FBI).
Sipas një raporti të FBI-së për krimin në SHBA, vetëm shkalla e vrasjeve në mbarë vendin është rritur 7,9 për qind.
Ndërsa përdhunimet, plaçkitjet dhe sulmet e rënda vazhduan të rriten, në mbarë vendin gjatë vitit 2016.
Gjithashtu, raporti përshtat dhe korrigjon të dhënat e raportuara për vitin 2015.
Të dhënat e fundit kanë treguar se norma e krimeve të dhunshme, aktualisht është rritur me 3,3 për qind në vitin 2015, dhe jo me 3,1 për qind, siç ishte raportuar më herët.
Të dhënat e korrigjuara kanë treguar se shkalla e vrasjeve është rritur me 11, 4 për qind gjatë vitit 2015./b.d
