Drejtorja e Njësisë së Hulumtimit dhe Komunikimit, Falma Fshazi, në një intervistë për emisionin e mëngjesit në Top Channel. Wake Up ka thënë se Kryeministri është mjaft tekanjoz kur vjen puna tek fjalimet.
“Zoti Rama është një shkrimtar fantastik, dhe ka ndodhur shumë herë që të punohet dhe ripunohet një shkrim.Ashtu siç ka ndodhur që të ketë një fjalim, dhe të mos përdoret asnjë fjalë e tij”- tha Fshazi.
“Unë kam qenë pjesë e nje ekipi. Krijohet një njësi që i dedikohet “speech writng” (shkrimit të fjalimeve), dhe unë isha pjesë e nje ekipi që merret me fjalimet e kryeministrit. Dhe jam akoma aty”, vijoi më tej ajo.
Fshazi ndërkohë ka thënë se në momente kritike, Rama ulet dhe i shkruan vetë fjalimet.
Kjo gjë ka ndodhur me fjalimin për armët kimike apo së fundmi me fjalimin për lojtarët e Kombëtares, pas fitores në Armeni.
“Është totalisht ai autori në këto dy raste, vetë kryeministri” ka rrëfyer Fshazi.
