(Update) Policia e Tepelenës në bashkëpunim me policinë e Elbasanit mbi bazën e informacioneve të marra në rrugë operative kanë kapur në tentativë për tu larguar në drejtim të Greqisë autorin e vrasjes së ndodhur sot në Elbasan.
Në pranga ka rënë Maringlen Brahja 27 vjec, banues ne Elbasan. Sipas policisë ai është arrestuar në vendin e quajtur Ura e lektit Tepelen i akuzuar për vrasjen me thike të 41 vjeçarit
Elbasan, vritet me thikë 41 vjeçari pas një konflikti
Një 41 vjeçar është vrarë mëngjesin e sotëm në Elbasan pas një konflikti të çastit. Ngjarja ka ndodhur rreth orës 07:10 në Elbasan ku viktima është Agron Lleshanaku.
Sipas policisë, ai ka mbërritur i pajetë në Spitalin Kirurgjik të Elbasanit, i goditur me thikë në pjesë të ndryshme të trupit.
Ngjarja ka ndodhur në afërsi të Kryqëzimit të Cërrikut, tek vendi i quajtur “Ish thërtorja”.
Sakaq, është identifikuar autori i krimit i cili është shpallur në kërkim nga policia.
Nga të dhënat paraprake, mendohet se ngjarja ka ndodhur si pasojë e një konflikti të çastit mes viktimes dhe autorit të dyshuar.
