Rey Manaj ka folur pas ndeshjes me Finlandën, ku u shpreh se ekipi do të dalë në vendin e parë në grup.
Sulmuesi kuqezi shënoi golin e vetëm të skuadrës, ndërsa tha që skuadra luajti mirë, edhe pse pjesën më të madh të sfidës ishte me 10 lojtarë.
“Mendoj se bëmë një lojë të mirë, edhe pse me 10 lojtarë. Nga ndeshja sot besoj se dalim në vendin e parë në grup.
Gjithë ekipi bëri një ndeshje të mirë. Ndeshjen me Finlandën e kemi në Tiranë dhe në fund të fundit do të dalim në vendin e parë”, tha Manaj.
