Një ngjarje e rëndë ka ndodhur në minierën e Bulqizës, ku një minator është plagosur brenda një galerie ku punonte.
Ngjarja ka ndodhur rreth orës 14:00, ndërsa i dëmtuari i identifikuar me inicialet T.A., i kanë ardhur në ndihmë minatorë të tjerë që punonin në minierë.
Sipas informacioneve paraprake dyshohet se ai është zënë poshtë nga një masiv dheu gjatë kohës që po punonte brenda minierës së kromit.
Menjëherë pas aksidentit i dëmtuari është dërguar me urgjencë drejt spitalit të Traumës në Tiranë për ndihmë më të specializuar, i cili nga raportimet fatmirësisht ndodhet jashtë rrezikut për jetën.
Grupi hetimor po kryen hetimet në vendngjarje dhe po punohet për zbardhjen dhe shkaqet e kësaj ngjarje.
/a.r
