Nuk ishte dëgjuar kurrë më parë. Gjykata ka pranuar aktakuzën e përgatitur kundër 21 personave, përfshirë Fatih Özerin, duke kërkuar dënime me burgim nga 12,164 deri në 40,564 vjet. Mediat turke shkruajnë se hetimi i nisur nga Zyra e Kryeprokurorit Publik është mbyllur. Në aktakuzën prej 268 faqesh, 21 persona, përfshirë Faruk Fatih Özer, vëllain më të madh Güven Özer dhe motrën më të madhe Serap Özer.
Në aktakuzë, 21 të dyshuar akuzohen për “krijimin dhe menaxhimin e një organizate me qëllim të kryerjes së një krimi”, “Mashtrim duke përdorur sistemet e informacionit si mjet nga bankat apo institucionet kreditore” dhe “Mashtrimi i tregtarëve apo drejtuesve të kompanive dhe drejtuesve të kooperativave” dhe pastrim të vlerave pasurore që rrjedhin nga krimi.
Prokuroria ka dalë në përfundimin se 253 milionë e 714 mijë lira (afro 15,760,582 euro) asete kriptoale janë transferuar nga llogaritë e Ozer në një kompani me seli në Maltë. Serap Özer, motra e të arratisurit Fatih Faruk Özer, themeluesit të kompanisë, tha se vëllai i tij është shprehur se gjërat nuk po shkojnë mirë në kompani dhe se mund të shiste aksionet.
“Gjërat nuk po shkojnë mire, tha. Unë ose do të gjej një ortak ose do ta shes kompaninë,”- ka shtuar ajo.
Güven Özer, vëllai i madh i Faruk Fatih Özer, tha se vëllai i tij i ka thënë se do të transferonte 50 për qind të kompanisë. Hetimet kanë dalë në përfundimin se edhe truproja e Faruk Fatih Özer dhe shoferi i tij, Mehmet Ç., ishin mashtruar nga i shumëkëruari që dyshohej se fshihej në Shqipëri.
Prokuroria deklaroi se ata kishin krijuar një organizatë kriminale të orientuar drejt përfitimit për të arratisurin Faruk Fatih Özer me emrin e firmës së quajtur Thodex. Theksohet se Özer ishte udhëheqës dhe menaxher i kësaj organizate, ka përcaktuar personat që ishin në pozitën e menaxherit dhe anëtarit në organizatë. Për më tepër, u konstatua se menaxherët dhe anëtarët e organizatës u ishte premtuar se do të fitonin komisione dhe fitime në të gjitha transaksionet në këmbim të ftesës së miqve të tyre nga klientët ekzistues për të fituar klientë të përhershëm dhe për të mbajtur klientët ekzistues në sistem.
Një detaj i rëndësishëm në aktakuzë ishte se 11 emra, përfshirë Zuhal Özer, tezja e të dyshuarit Faruk Fatih Özer, vepronin në organizatë në varësi të drejtuesve të organizatës, duke u adoptuar me qëllimin e organizatës dhe duke kryer veprime në përputhje me urdhrat e dhëna.
Raportohet gjithashtu se Zuhal Özer, tezja e të dyshuarit të arratisur Faruk Fatih Özer, kishte autoritetin për të bërë depozita pranë autoriteteve administrative në llogaritë e personave që kanë një llogari në platformën Thodex.
Boss-i i kriptomonedhave turke, dyshohet se ndodhet në Shqipëri, duke iu fshehur autoriteteve turke. Ai akuzohet se përmes kompanisë së tij, Thodex, mashtroi mijëra turq që kanë investuar paratë e tyre, rreth 2 miliardë dollarë në monedhat virtuale. Më pas, ai shpalli falimentin e kompanisë, bëri mbylljen me ndihmën e motrës së tij dhe u arratis drejt Shqipërisë. Më 20 prill ai ka mbërritur në Shqipëri përmes një bilete që bleu në Air Albania. Më herët janë vënë vënë në pranga edhe shqiptarët Altjan Canaj e Edevaldo Haxhiu që dyshohet se ndihmuan Ozerin të arratisej e fshihej. Nga pamjet e marra nga aeroporti në Rinas, Haxhiu shihej që kishte transportuar turkun e shumëkërkuar nga hoteli në aeroportin ‘Nënë Tereza’, në një tjetër destinacion. Vetë Haxhiu nuk i pranoi akuzat duke deklaruar se të shumëkërkuarin Faruk Ozer nuk e njeh fare dhe se madje s’e ka takuar asnjëherë.
/a.r
