Mediat lokale raportuan se një gropë e madhe është hapur në mes të rrugës, në Tarpon Springs, Florida, një zonë shumë e populluar, duke detyruar disa familje të zhvendosen nga frika.
Gropa, rreth 30 metra e madhe është formuar vetëm pak metra larg shtëpive të banimit, raporton NBC News.
Zyrtarët thanë se një tjetër gropë e madhe, e ngjashme me të, është hapur papritur në mes të rrugës edhe në një zonë tjetër të Floridas.
Përveç dëmtimeve të disa kanaleve dhe linjave ujësjellëse, asnjë dëm tjetër nuk u raportua.
