Deputeti i Partisë Demokratike, Ervin Salianji ka reaguar për ngjarjen e rëndë mbrëmjen e sotme ku janë plagosur me armë dy persona në Milot.
Në një postim në Facebook, Salianji thotë se ndërkohë që qeveria pushon në Pogradec, qytetarët janë tronditur nga një tjetër atentat.
Sipas deputetit demokrat, qeveria nuk ka as fuqi dhe as vullnet të luftojë krimin e organizuar.
Postimi i Ervin Salianjit:
Ndërkohë që qeveria pushon në Pogradec dhe ende nuk ka dhënë asnjë mesazh për vrasjen e tre të rinjve nga një ushtri banditësh, sot thuajse në të njëjtën zonë kur pritet lajm për zbulimin e krimit, lajm i zi për qytetarët është një atentat tjetër!
Qeveria kujdeset vetëm për të majmur klientelën dhe gjithçka bën është të shpikë sa më shumë marifete për pasurimin e njerëzve të saj! Kontollin në territor e kanë bandat që partnerët e qeverisë në zgjedhje dhe komandantët e Rilindjes pas zgjedhjeve!
Qeveria nuk ka as fuqi as vullnet të luftojë krimin e organizuar dhe bandat! Qytetarët përditë e më shumë shohin pasojat e partneritetit mes qeverisë dhe krimit të organizuar!
/e.d
