Ditën e djeshme një konflikt mes dy personave ka ndodhur në Durrës, ku për pasojë njëri ka mbetur i plagosur rëndë. Adriatik Kokiçi 47 vjeç, banues në Durrës ka goditur me thikë në gjoks R. A. 24 vjeç, gjithashtu banues në Durrës.
I plagosuri ndodhet në gjendje të rëndë shëndetësore në Spitalin e Durrësit, ndërsa policia ka arrestuar autorin e ngjarjes, Adriatik Kokiçi, 47-vjeç.
Njoftimi i policisë:
Specialistët për Hetimin e Krimeve të Rënda në Drejtorinë Vendore të Policisë Durrës arrestuan në flagrancë shtetasin:
Adriatik Kokiçi 47 vjeç, banues në Durrës. Më datë 29.12.2017, në lagjen Nr.14 Durrës, pas një konflikti të çastit, për motive të dobëta ka goditur me mjet prerës (thikë) në pjesën e gjoksit shtetasin R. A. 24 vjeç, banues në Durrës. Shtetasi i dëmtuar ndodhet në Spitalin Rajonal Durrës në gjëndje të rëndë shëndetësore.
Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale” Plagosja e rëndë me dashje” parashikuar në nenin 88/1 të Kodit Penal.
