Nëse aktualisht një kryetar bashkie mund të rikandidojë për këtë post pa limit, qeveria e kufizon deri në 4 mandate (3 të njëpasnjëshme dhe një me të drejtë rizgjedhje pas të paktën 1 mandati pushim). Qeveria është tërhequr kështu nga drafti i parë i saj ku të kryebashkiakët nuk mund të zgjidheshin më shumë se dy mandate të njëpasnjëshme (dhe një mandat i tretë pas një kohe shkëputjeje)
Shqiptarja.com ka mundur të sigurojë një kopje të projektligji për autonominë vendore, ku thuhet se : Kryetari i bashkisë mund të zgjidhet dhe të ushtrojë vetëm 3 mandate të njëpasnjëshme në krye të bashkisë, me të drejtë rizgjedhjeje”
Drafti i parë i qeverisë
Ndryshimi i projektligjit
Cfarë parashikon projektligji për autonominë vendore
Projektligji për autonominë vendore forcon rolin e kryetarit të bashkisë si organ ekzekutiv duke i dhënë kompetenca të qarta në drejtim të administrimit dhe organizmit të strukturave të bashkisë, të njësive administrative dhe ndërmarrjeve në varësi, por gjithashtu edhe në drejtim të përfaqësimit juridik në raport me të tretë, veçanërisht në raport me shoqëritë tregtare me kapital të bashkisë, çështje që ka qenë problematike në vitet e kaluara.
“Projektligji vendos bazat juridike për një kapërcim cilësor dhe të qenësishëm në qeverisjen me pjesëmarrjen e komunitetit.
Projektligji krijon për herë të parë strukturat komunitare në qytete. Bashkitë e reja do të kenë gjithsej 41 kompetenca, të shpërndara në 7 sektorë, shumica e të cilave janë risi: në sektorin e bujqësisë, kullimit, pyjeve, arsimit, sigurisë publike dhe zjarrfikësit. Kështu, në fushën e infrastrukturës dhe shërbimeve publike, bashkitë janë përgjegjëse për 14 shërbime.
Bashkive u shtohen kompetenca në fushën e mbrojtjes së mjedisit, dhe në fushën e bujqësisë, zhvillimit rural, pyjeve dhe kullotave.
Sipas ndryshimeve të ligjit, Këshilltarët bashkiakë nuk do të paguhen më për pjesëmarrjen e tyre në mbledhjet e këshillit sikundërse ndodhte deri më tani./ Shqiptarja.com
