Çështja e vrasjes së trefishtë të Dan Hutrës vijon të jetë mjaft e nxehtë dhe jo e zbardhur tërësisht. Së fundmi për emisionin “Me zemër të hapur” ka folur Elena Hysa, ish-bashkëjetuesja e Dan Hutrës, e cila mbeti e plagosur me thikë dhe vetëm gjatë ditëve të fundit është përmirësuar.
Elena tregon se Dan Hutra kishte shkuar në banesën e saj dhe kishte qëlluar fillimisht motrën e saj dhe kunatën. Më pas ai kishte goditur në faqe me thikë vetë Elenën, teksa kishte dashur të qëllonte edhe djalin e tyre, por fatmirësisht nuk ja ka dalë.
“Ka qenë aty…e kam parë që ka shkrepur armën drejt meje, pastaj në ato momente ka dalë mami para meje, të më mbronte. E kam shtyrë dhe i dola para mamit. Mbaj mend që na ka sharë me llafe të ndryshme dhe na ka gjuajtur me armë.
Donte të qëllonte djalin…e kisha në krah djalin. E kam kapur prej krahu dhe e çova nga dhoma tjetër. Ka ikur me vrap. Më qëlloi me thikë sapo ka hyrë brenda, më qëlloi në faqe. ‘Do ju vras të gjithëve’ tha ai”, tha Elena.
/e.d
