Kryetari i Partisë Demokratike Lulzim basha ka reaguar pas miratimit të propozimit për rritjen e çmimit të ujit të pijshëm.
Përmes një statusi në facebook, Basha hedh akuza edhe në drejtim të LSI dhe PDIU. Ai tha se edhe këto forca u bënë pjesë e pazareve të Edi Ramës në bashkinë e Tiranës.
Statusi:
Pazareve të Edi Ramës dhe veglave të tij në krye të Bashkisë Tiranë për të dyfishuar çmimin e ujit dhe për të miratuar koncesionet klienteliste të shkollave iu bashkuan dje edhe PDIU dhe LSI.
Është i njëjti grusht politikanësh të kapur dhe të korruptuar që nuk ka asnjë mëshirë për të rrëmbyer çdo qindarkë nga xhepat e qytetarëve. Loja e tyre vazhdon njësoj si më parë, vetëm se tani në role të reja.
PD është e vetmja forcë në krah të njerëzve, por ne jemi të fortë dhe të vendosur për të luftuar për ta. Ne nuk do të ndalemi dhe nuk do të heshtim asnjëherë në mbrojtje të interesave të qytetarëve.
