Avokati Edmond Petraj, i ftuar në emisionin “Ora e Fundit”, ka komentuar vendimet e Gjykatës Speciale ndaj ish-krerëve të Ushtrisë Çlirimtare të Kosovës, duke shprehur keqardhjen e tij për dënimet.
Petraj tha se vendimet kanë prekur shqiptarët në Shqipëri dhe në Kosovë, duke e cilësuar situatën si një moment të rëndë për kombin shqiptar.
Petraj përmendi gjithashtu përfshirjen e disa faktorëve politikë shqiptarë në këtë proces, duke pretenduar se qëllimi ishte goditja politike e Ushtrisë Çlirimtare të Kosovës dhe Partisë Demokratike të Kosovës.
“Ne jemi rritur me Kosovën dhe normalisht është një prekje. Çdo shqiptar i Shqipërisë nëpër botë të garantoj se ka ndjesisë dhe lidhjen shumë herë më të fortë se një shqiptar i Kosovës sot, e ka ndjerë dhe janë hidhëruar.
Është poshtërimi dhe dita më e zezë për kombin shqiptar. Kjo është një gjykata, e cila u detyra të bëhej me ndikimin dhe studimin që bëri një shpirtzi, një antishqiptar i tërbuar që ka marrë para me thasë nga ai projekt famëkeq, i shpifur, i stisur, i mbështetur edhe nga shqiptarë, i mbështetur edhe nga rugovistë, i mbështetur dhe nga LDK-istë të kohës për të trajtuar UÇK dhe me luftën politike ndaj PDK si një ekip vrasësish, që më shumë i kanë bërë dëm Kosovës, sesa me çlirim”, tha Petraj.
