Presidenti iranian, Hassan Rohani, ka akuzuar sot disa media të Iranit që i kundërvihen politikës së tij se po sillen si një polici sekrete.
“Një nivel i përhershëm sigurie i është dhënë medias, që i mundëson jo vetëm të thonë gjithçka që dëshiron, por ndonjëherë të veprojnë edhe si polici sekrete”, deklaroi Rohani në një fjalim të mabjtur në Ekspozitën e 21-të të Medias që mbledh në Teheran rreth 600 media iraniane dhe përfaqësues të mediave të huaja.
Gazetat më konservatore iraniane janë shumë të ashpra në kritikat e tyre kundrejt presidentit Rohani, i cili që prej zgjedhjes së tij në vitin 2013, po zhvillon një politikë të hapur që arriti kulmin me nënshkrimin në korrik të një marrëveshje bërthamore historike me fuqitë e mëdha, mes të cilave edhe SHBA-ja.
