Ministri i Punëve të Jashtme të Shqipërisë, Ditmir Bushati, ka shkruar se është nisur drejt Parisit për të marrë pjesë në mbledhjen e së nesërme në selinë e UNESCO’s, ku do të vendoset për pranimin e Kosovës në këtë organizatë.
Në një njoftim të Twitter, Bushati ka thënë se dita e hënë është vendimtare për Kosovën.
“Drejt Parisit për të marrë pjesë në Konferencën e Përgjithshme. Nesër ditë vendimtare për Kosovën në UNESCO”, ka shkruar Bushati.
Ndërkohë, nesër, në ora 11:30 nis mbledhja e UNESCO’s ku do të votohet për pranimin e Kosovës në këtë organizatë të OKB’së.
