Ajo e ka ndjekur këtë plan të të ushqyerit që prej lindjes së djalit të saj
Bukuroshja 35-vjeçare, Kim Kardashian, ka ndjekur një plan të të ushqyerit që prej lindjes së birit të saj, Saint-it, në dhjetor të vitit të kaluar.
Dieta të cilën ajo e ka ndjekur është e pasur me proteina dhe ia ka mundësuar asaj që t’i heqë kilogramët e tepërt, pa e munduar veten. Dieta të cilën e ka ndjekur Kim-i ndryshe njihet edhe dieta ‘Atkins’, dietë kjo që karakterizohet nga të ushqyerit me ushqime që përmbajnë pak karbohidrate dhe është promovuar nga Robert Atkins, transmeton gazeta Kosova Sot Online.
Zëvendëspresidenti i kompanisë ‘Atkins’ ka thënë: “Kim ka ngrënë omëletë me djathë dhe perime për kafjall. Pastaj ajo ka ngrënë jogurt grek me fruta të malit ose me bajame. Për drekë, ajo zakonisht ka ngrënë burger me mish gjeldeti me sallatë dhe qepë turshi. Darka e saj e zakonshme kanë qenë petët me kungull të njomë me sos djegës pule.
Ajo gjithmonë ha mëngjes, drekë, darkë si dhe ushqime të lehta në mes tyre. Ushqimet gjithmonë përmbajnë proteina të shëndetshme si peshk, pulë ose mish të pastër dhe Kim gjithmonë kujdeset që të ha perime dhe nganjëherë ha edhe oriz ngjyrë kafe ose patate. Gjithsesi, dieta nuk ia ka ndaluar Kim-it që të ha edhe gjalpë kikiriku me çokollatë”.
Kim Kardashian, e cila po mundohet t’i heqë edhe 4.5 kilogramë për ta mbërritur peshën ideale pas lindjes së të birit të saj, është duke vazhduar me këtë plan të të ushqyerit, gjë kjo që ka bërë që dieta ‘Adkins’ të shndërrohet në stil të jetesës për të.
