Një gazetare është dhunuar në krye të detyrës, teksa po raportonte në lidhje me një konflikt pronësie. Për ketë policia e Tiranës ka proceduar penalisht shtetasit T. N., 62 vjeç dhe A. Z., 50 vjeç, pasi në rrugën “Hoxha Tahsim”, kanë goditur dhe penguar për ushtrimin e detyrës gazetaren Besarta Demushi, 24 vjeçe.
Gazetarja kishte shkuar për të filmuar në një objekt, ku shtetasi T.N dhe A.Z kishin një konflikt pronësie me një person tjetër.
‘Specialistët për Hetimin e Krimeve në Komisariatin e Policisë Nr. 1 proceduan penalisht shtetasit T. N., 62 vjeç dhe A. Z., 50 vjeç, pasi në rrugën “Hoxha Tahsim”, kanë goditur dhe kanë penguar për ushtrimin e detyrës, shtetasen B. D., 24 vjeçe, me detyrë gazetare, e cila kishte shkuar për të filmuar në një objekt ku shtetasi T. N., dhe A. Z., kishin një konflikt pronësie me një person tjetër.’- njofton policia./m.j
