Një ngjarje e rëndë është regjistruar sot në Korçë, ku një person është hedhur nga pallati, e për pasojë ka gjetur vdekjen.
Policia e Korçës njofton paraprakisht se viktima është e seksit mashkull, ndërsa policia ndodhet në vendin e ngjarjes.
Njoftimi
Më datë 23.07.2017, jemi njoftuar se në Spitalin Rajonal të Korçës, ka shkuar i pajetë trupi i shtetasit Gj.K, rreth 60 vjeç.
Nga të dhënat paraprake dyshohet se ky shtetas, në gjendje të rënduar emocionale është hedhur nga kati i katërt i pallatit në të cilin banonte në lagjen nr 2 të qytetit të Korçës dhe për pasojë ka gjetur vdekjen e menjëhershme.
Nga veprimet e kryera, rezulton se shtetasi Gj.K, jetonte i vetëm dhe kishte lënë edhe një letër në të cilën sqaronte arsyet e vetëvrasjes së tij. Grupi hetimor po punon për sqarimin e rrethanave të ngjarjes./a.m.
