Pa asnjë dyshim ndeshja derbi Juventus-Torino mund të cilësohet e ‘çmendur’ pasi ka dhuruar gjithcka në fushë, ndërsa në fund është mbyllur me fitoren e bardhezinjve, që duket se do ta fillojnë ringritjen pikërisht nga kjo ndeshje.
Juventusi triumfoi 2-1 në minutën e fundit të kohës shtesë me një gol të shënuar nga Cuadrado.
Kampionët e Italisë e nisën mirë ndeshjen duke kaluar në avantazh shumë shpejt me një super gol nga Pogba në ecje e sipër me një gjuajtje fluturimthi.
Por Torino nuk u dorëzua dhe në pjesën e dytë barazoi me Bovon duke rikthyer ‘fantazmat’ dhe makthin e ndeshjeve të fundit për Juven.
Megjithatë mbështetja maksimale e tifozëve dhe besimi deri në sekondat e fundit u shpërblyen me golin e Cuadrado.
