Deputeti i PD Tritan Shehu ka reaguar në lidhje me vdekjen e 23-vjeçarit, Florenc Beqiraj, në Francë, ngjarje e cila solli protesta në Shqipëri në të cilat u dogj flamuri francez
Përmes një komenti në rrjetet sociale, Shehu shkruan se duhen djegur fotot e Kryeministrit Edi Rama dhe jo flamuri i Francës.
Statusi:
“Duhen djegur fotot e Kryeminstrit e Ministrave tanë, jo Flamuri i Francës mike e demokratike!
Një ngushëllim i thellë për humbjen e jetës së re të Florencit!
Shkaku duhet kërkuar te gjendja e rëndë ekonomike e sociale në vend, te humbja e shpresës për të ardhmen.
Jane me qindra mijëra pjesë e këtij eksodi masiv shqiptar, më shume se në fillim të viteve 90-të.
Shkaku është keq qeverisja në Shqipëri, korrupsioni, droga e krimi që mbulojne vendin.
Nqs në Francë dikush ka vepruar në kundërshtim me ligjin apo të drejtat universale, pa asnjë dyshim e vërteta do të zbardhet.
Fatkeqësisht kjo rëndom nuk ndodh te ne”, shkruan Shehu.
