Ish kryeministri Sali Berisha ka zhvilluar sot një bashkëbisedim me gazetarët.
Gjatë fjalës së tij Berisha ka folur për rritjen e çmimit të karburantit në vend. Ai kërkoi ndërprerjen e veprimtarisë së anëtarëve të bordit të Transprencës.
“Bordet antikushteutese janë shndërruar në megashushunjat e Ramës të cilat po vjedhin, plackisin, grabisin, cdo ditë qytetarët shqiptarë.
Mjafton tu rikujtoj se cmimi i naftës dje në Maqedoni e Veriut ishte 185 lekë, kundrejt 250 lekë në Shqipëri.
Çmim i tillë nafte nuk ekziston kund në Evropë dhe botë, përvecse në cifligun e Ramës që shpiku këtë mekanizëm duke dhunuar kushtetutën, ligjet natyrale të tregut, për të plackitur qytetarët e vet bashkë me klientelën e tij. Të dhënat e politikave që ndoqi Rama ndaj shqiptarëve janë tepër alarmante.
Shqipëria nuk mund të ketë e asnjë vend i lirë s’mund të ketë borde që të kontrollojnë tregun për llogari të qeverisë.
Kërkoj ndërprerjen urgjente të veprimtarisë së tyre. U bëj thirrje anëtarëve të bordit të japin dorëheqjen menjëherë. Të mos shndërrohen në një vegël anti kushtetuese të një qeverie që është organizatë kriminale”, tha Berisha.
/a.r
