Kryetari i Partisë Demokratike Lulzim Basha, menjëherë sapo arriti të realizonte një foto me presidentin e Shteteve të Bashkuara të Amerikës, Donald Trump, e shpërndau atë, duke e vlerësuar takimin me Trump si të jashtëzakonshëm, madje nuk nguroi të tregonte edhe momente të bisedës së supozuar me Trump.
Lulzim Basha në fakt, nuk është takuar asnjëherë me Donald Trump, në një takim zyrtar politik, apo nuk është prezantuar kurrë si kryetar i opozitës shqiptare.
Ai ka qenë në një aktivitetet të organizuar për mbledhjen e fondeve për zhvillimin e fushatës elektorale të Scott Walker, i cili mbështetet fuqimisht nga Donald Trump dhe çdo donator që do të jepte 10-20 mijë dollarë për fushatën e Walker, do të realizonte një foto me Donald Trump në shenjë vlerësimi.
Konkretisht fotoja e Lulzim Bashës me Donald Trump është realizuar ditën e djeshme në një fondacion në Milkwaukee në mbështetje të guvernatorit Scott Walker.
Basha në këtë aktivitet ishte i pranishëm si mysafir i Eddie Sitt, i cili është një pronar pasurish të patundshme në Brooklyn, që njihet më së shumti si donator i demokratëve, shkruan CityNews.
Pra, personi që ka paguar 20 mijë dollarë për realizimin e fotos së Lulzim Bashës me Donald Trump, duke futur këtu edhe ftesën hyrëse prej 1 mijë dollarësh, është donatori Eddie Sitt.
Eddie Sitt nuk është një emër i panjohur për shtypin e amerikan, për shkak të momarrëveshjeve me vëllezërit e tij përsa u përket pasurive të patundshme.
Gjithashtu Eddie Sitt mban një historik të gjatë si donator në shumë fushata në New York./b.d
