Filmi “Burrneshat” i regjisores Laura Bispurit pas shfaqjes në shumë festivale dhe nëpër kinematë franceze, më 29 tetor prezantohet edhe në rrjetin e kinemave Imperial dhe Cineplex në Tiranë, transmeton KL.
“Burrneshat” është i mbështetur në romanin e Elvira Dones “Hana” dhe flet për Hana Dodën, e cila kur është ende një vajzë e vogël braktis fatin e saj për të qenë thjesht një bashkëshorte dhe shërbëtore, e ardhme e detyruar kjo për gratë në malet e ashpra të Shqipërisë.
Duke ndjekur udhëzimet e ungjit të saj, i bindet ligjit të vjetër të Kanunit, i cili i jep grave mundësinë për të jetuar të lira si burrat dhe për të pasur një pushkë, duke marrë në këmbim betimin e virgjërisë të përjetshme.
