Presidenti i Ukrainës, Volodymyr Zelensky i bëri thirrje homologut amerikan, Donald Trump, që të vendosë menjëherë sanksione të rrepta ndaj Rusisë, duke aluduar në projektligjin amerikan që duhet t’i paraqitet Dhomës së Përfaqësuesve javën e ardhshme, raportoi Bloomberg.
Sanksionet duhet të jenë të forta. Është një mjet që Shtetet e Bashkuara të Amerikës (SHBA) e kanë për ta privuar Rusinë nga aftësia për të financuar luftën e përditshme kundër Ukrainës.
Ai theksoi se duhet të miratohen sa më shpejt.
“Çfarë po presim? Pse po flasim të gjithë për sanksione vetëm për të pyetur veten nëse Kongresi Amerikan do ta mbështesë projektligjin e sanksioneve të Lindsey Graham? Është absolutisht e nevojshme që ai të miratohet, me gjithë respektin e duhur për Lindsey”, shtoi Zelensky.
Legjislacioni, i cili u miratua me shumicë dërrmuese në Senat muajin e kaluar, do t’i paraqitet dhomës së ulët të Kongresit javën e ardhshme.
