Gjykata e Lartë në Londër ka cilësuar të paligjshëm sistemin e mbajtjes së azilanteve nëpër kampe refugjatësh, ku u shqyrtonte kërkesat për azil apo apelimet me “procedurë të përshpejtuar”.
Kjo ka detyruar Ministrinë e Brendshme, Home Office, të pezullojë siç thotë ajo përkohësisht këtë sistem dhe rifillimin e tij deri në momentin kur të jenë krijuar kushtet e duhura. Njoftimin e bërë në Parlament Ministri i Emigracionit James Brokenshire.
Sipas këtij sistemi të krijuar në vitin 2000, shumë azilant të rinj që kapeshin nga autoritetet mbaheshin nëpër qendrat e paraburgimit ku u shqyrtoheshin kërkesat për azil për t’ua shqyrtuar kërkesat me procedurë të përshpejtuar, që sipas shifrave në 99 për qind të rasteve ata ktheheshin nëpër vendet nga kishin ardhur.
Duke shpjeguar këtë procedurë, avokati i mirënjohur shqiptar në Londër për çështjet e emigracionit Kastriot Berberi, thotë për Top-Channel se “procesi “fast track” sjell një numër të ulët suksesi, intervistime dhe vendime të shpejta, shkurtime të kohëve të apelit, regjim strikt i shtyrjeve të gjykimeve dhe si rrjedhojë azilant kërkuesi del jashtë procesit të azil kerkimit.
Sipas avokatit Berberi, ky vendim “nënkupton që azil-kërkuesit me ndihmën e avokatëve të tyre do t’i kryejnë jashtë sistemit “fast truck”, dhe për një kohë më të gjatë se 7 ditë, të gjitha procedurat si p.sh. marrja e instruksioneve, përgatitja e deklaratave, përkthimi i dokumentave, aplikimet për t’u liruar, marrja e dëshmitarëve ekspert dhe përfaqësimi i çështjes në Home Office dhe gjykatë.
Nga ky vendim i Gjykatës së Lartë përfitojnë edhe azilant kërkuesit shqiptarë në mes të atyre të etnive të tjera; ky vendim mund të rrisë shanset e suksesit të aplikimeve të këtyre azil-kërkuesve, shprehet avokati shqiptar i emigracionit me banim në Londër, Kastriot Berberi.
Gjykata e Lartë ka pezulluar këtë procedurë deri sa Home Office të apelojë dhe të gjitha procedurat e këtij apeli të përfundojnë. Ndërkohë janë liruar rreth 100 azilkërkues nga kampet e refugjatëve dhe shanset e azilantëve të rinj për momentin janë që të mos dërgohen në këto kampe për një të ardhme ende të papërcaktuar.
