Kryeministri britanik Boris Johnson vazhdon të ketë shenja të sëmundjes së koronavirusit dhe do të vazhdojë të qëndrojë në karantinë.
Prej 7 ditësh po qëndron në izolim pasi rezultoi pozitiv ndaj Covid-19. Ndonëse ditët kalojnë, Boris Johnson vijon të ketë temperaturë.
Në një video të postuar në Twitter, kryeministri tha: “Pavarësisht se ndihem mirë dhe i kam bërë 7 ditët e izolimit, ende kam shenja. Unë kam ende temperaturë, kështu që në zbatim me këshillat e qeverisë, duhet të qëndroj ende në vetë-izolim derisa simptoma të largohet vetë.”
Boris Johnson i bëri thirrje popullit britanik që të vazhdojnë qëndrimin në shtëpi edhe gjatë fundjavës, edhe nëse do të jetë moti i mirë.
“Mund të ketë një tendencë për të dalë jashtë dhe për të thyer rregullat. Ju kërkoj që të mos e bëni këtë. Ju lutem vazhdoni të ndiqni rregullat. Qëndroni në shtëpi, shpëtoni jetë”, tha Johnson.
/a.r