Deputeti Blendi Klosi është ministri i ri i Mirëqënies Sociale dhe Rinisë. Vendimi është marrë ditën e sotme nga ana e Këshillit të Ministrave.
Në këtë mënyrë Klosi do të zëvendësojë në këtë post kandidatin e mazhorancës për bashkinë e Tiranës Erion Veliaj.
Tashmë prej mbi 2 javësh posti i Ministrit të Mirëqënies Sociale kishte mbetur vakant pas dorëzimit të mandatit nga Veliaj.
Edhe Kryeministri Edi Rama ka nxituar të bëjë të ditur lajmin duke theksuar se do të jetë Klosi që do të çojë përpara reformat në këtë ministri.
“Blendi Klosi do jete ministri yne i ri Mireqenies Sociale per te cuar me tej reformat rrenjesore te nisura nga Erion Veliaj #DrejtimiiDuhur” shkruan Klosi
Edhe ish-ministri i Mireqenies Sociale dhe Rinise Erion Veliaj ka uruar personalisht Klosin per postin e ministrit. I zgjedhuri i koalicionit te majte per Bashkine e Tiranes, e quan detyren e re te deputetit socialist Blendi Klosi nje mundesi per t’i sherbyer njerezve.
“Punë e mbarë e krahë të lehta Blendi Klosit në drejtim të Ministria e Mirëqenies Sociale dhe Rinisë – sfidë dhe mundësi fantastike për t’i shërbyer vendit e njerëzve!” shkruan Veliaj
Emërimi i Klosit i është dorëzuar Presidentit Bujar Nishani ku pritet të dekretohet.
Me marrjen e postit të ri, Klosi duhet të dorëzojë mandatin e deputetit, dhe në vend të tij, në bazë të listave të kandidatëve në Durrës duhet të jetë Jurgis Çyrbja, që mban postin e drejtorit të ZVRPP në Durrës.
