Veç të tjerave, autoritetet britanike tashmë janë ndaluar tek aktiviteti i bandave kriminale shqiptare, të cilat dërgojnë qindra miliona paund të ardhura kriminale në Shqipëri çdo vit.
Kështu nis artikulli i medias britanike “GB News”. Sipas burimeve zyrtare, një sërë biznesesh të ndryshme përdoren shpesh për të pastruar paratë, por shumica e fondeve kriminale thjesht kthehen në Shqipëri me dorë ose me automjete.
Në konfiskimet e fundit, 300,000 paund u gjetën në bagazhe në një aeroport në Mbretërinë e Bashkuar, me destinacion kryeqytetin shqiptar, Tiranë.
Në një rast tjetër, oficerët e kufirit gjetën 500,000 £ të fshehura në një fugon në një port në Mbretërinë e Bashkuar.
Grupet shqiptare të krimit tani kontrollojnë shumicën e fermave të kanabisit në të gjithë Mbretërinë e Bashkuar.
GRUPET SHQIPTARE TË DROGËS
Vitet e fundit, kriminelët shqiptarë kanë marrë përsipër një pjesë të madhe të tregtisë së kanabisit nga grupet kriminale vietnameze. Pjesa më e madhe e aktivitetit kriminal që përfshin fermat e kanabisit është e përqendruar në zonat më veriore.
Por pothuajse në çdo pjesë të vendit, shqiptarët janë grupi dominues i përfshirë në kultivimin e kanabisit.
GB News raportoi për një njësi të specializuar të Policisë në Suffolk kohët e fundit, ku oficerët thanë se shumica e kriminelëve që përdornin rrugët e atij qarku për krimin e drogës ishin shqiptarë. Në jug të vendit, grupet kriminale shqiptare ende kontrollojnë pjesën më të madhe të tregtisë së kokainës.
Burimet thanë se tregtia e kanabisit ishte kryesisht e pavarur mes kriminelëve shqiptarë, por tregtia e kokainës mbikëqyret kryesisht nga bosët e krimit në Shqipëri.
Në të gjithë Mbretërinë e Bashkuar, së fundmi ka pasur një sërë arrestimesh të shqiptarëve të dyshuar për përfshirje në kontrabandën e njerëzve përmes kanaleve.
Media britanike shkruan se shumë shqiptarë që mbërrijnë në Britaninë e Madhe me varka të vogla janë nën instruksionin e bandave kriminale dhe një pjesë e madhe përfundojnë duke punuar për ato rrjete kriminale.
Por, siç mësohet, BBC ka marrë kritika pasi ish-politikani Ukip Nigel Farage, tashmë President Nderi i Reformës në Britani dhe prezantues për GB News, pretendoi se emigracioni nga shqiptarët në Britani është duke e çuar sistemin gati në “pikë të thyerjes”.
Duke folur në një radio britanikë rreth migrantëve që kalojnë Kanalin për të hyrë në Britani, Farage pohoi se “shumica” ishin shqiptarë që “vinin për t’u bashkuar me bandat kriminale”, se “hotelet janë plot në të gjithë vendin” me emigrantë, dhe se “kushdo që hyn në Mbretërinë e Bashkuar nëpërmjet këtyre mjeteve nuk duhet t’i jepet statusi i refugjatit”.
/e.d
