Edhe ish-kryeministri Sali Berisha ka reaguar për ngjarjen në Lazarat ku humbi jetën një efektiv i RENEA-s si dhe u plagosën dy të tjerë. Përmes një postimi në rrjetin social Facebook, Berisha shpreh ngushëllimet për efektivin e vrarë duke kërkuar që autorët e kësaj ngjarje të rëndë të dalin para drejtësisë.
Në komentet e tij të mëparshme në lidhje me aksionin në Lazarat vitin e kaluar, Berisha kishte deklaruar se ishte në dijeni për kultivimin e kanabisit në fshatin rebele, si dhe për bandat që strehoheshin por se kishte zgjedhur vetë që të mos vepronte.
“Nje akt kriminal i shemtuar ne Lazarat! Te dashur miq, nje ngjarje e rende, ne te cilen ka humbur jeten nje efektiv i Policise dhe jane plagosur dy police te tjere, ka ndodhur ne Lazarat. Duke denuar ashper kete krim te shemtuar, shpreh ngushellimet me te thella familjes te efektivit te Policise, te ndjerit Ibrahim Basha dhe ju uroj sherim te shpejt e te plote dy punonjesve te plagosur te Policise. Me kete rast u bej thirrje organeve te zbatimit te ligjit te identifikojne, vendosin e ndeshkojne me forcen e ligjit autoret e ketij krimi te shemtuar!” shkruan Berisha
