Pas akuzave të liderit të demokratëve Lulzim Basha se Check up-i i shëndetit i kushton miliona dollarë buxhetit të sektorit të shëndetësisë, që sipas tij shkon nëpër xhepat e zyrtarëve të lartë, ka reaguar Ministri Ilir Beqaj, i cili thotë se gjithçka është një gënjeshtër. Sipas Ministrit Beqaj, realiteti është krejt ndryshe pasi sipas një studimi të hollësishëm, ajo u kushton taksapaguesve vetëm 1.2 % të të gjitha shpenzimeve në një vit.
“Luli thotë që “Check-Up” i kushton shqiptarëve 1/5 e buxhetit vjetor të shëndetësisë.
Nuk mund të ketë gënjeshtër më të madhe se kaq!
E gjithë kjo përpjekje me një përfitim të dukshëm shoqëror dhe ekonomik, pas një studimi të hollësishëm të specialistëve, do t’iu kushtojë taksapaguesve vetëm 1,2% të të gjitha shpenzimeve që kryhen në një vit.”- deklaron Beqaj.
