Këtë të shtunë zhvillohet zgjedhjet e PS-së edhe në Shkodër, nga ku deputetja e qarkut Mimoza Hafizi ka bërë thirrje përsëri që zgjedhja e kryetarit të Partisë Socialiste është e nevojshme.
“Zgjedhja e kryetarit është një çështje tjetër. Po krijohet një rebus që po zgjedhim delegatët dhe nuk do zgjedhim kryetarin. Ky është një rebus i çuditshëm që po krijohet në Partinë Socialiste, por besoj që përmes arsyes përgjigjia që do të japin socialistët do të jetë pozitive që të zgjedhim të gjitha forumet, duke nisur nga delegatët e kongresit deri tek kryetari i Partisë Socialiste”, deklaroi deputetja Mimoza Hafizi.
Procesi i votimit për delegatët, sipas drejtuesve të PS-së së Shkodrës, është duke ecur normalisht dhe me një pjesëmarrje të lartë në votime. Janë 3211 anëtarë që do të zgjedhin 32 delegatë për në Kongres.
