“BE është marrë peng nga Bullgaria”, Rama, Vuçiç dhe Kovaçevski refuzojnë Samitin e Brukselit: S’është ndonjë spektakël që ia vlen të shihet

Kryeministri Edi Rama paralajmëron refuzimin e BE-së për hapjen e negociatave të anëtarësimit me Shqipërinë dhe Maqedoninë e Veriut.

Për këtë arsye, Rama tha se ka vendosur me liderët e Serbisë dhe Maqedonisë së Veriut që të mos marrin pjesë në Samitin e BE-së i cili do të mbahet më 23 qershor në Bruksel.

“Duket se një tjetër “Jo, na vjen keq!” do të jetë ajo që do të dëgjojmë në fund!”, shprehet Rama dhe thekson se “I gjithë Unioni i rrëmbyer nga Bullgaria nuk është një spektakël i mirë për t’u parë! Çfarë duhet bërë atje?!”.

Postimi në Twitter i Ramës

“Ne diskutuam gjatë sot me liderët e Serbisë dhe Maqedonisë së Veriut për Samitin e ardhshëm të BE-së.

Duket se një tjetër “Jo, na vjen keq!” do të jetë ajo që do të dëgjojmë në fund!

I gjithë Unioni i marrë peng nga Bullgaria nuk është një spektakël i mirë për t’u parë! Çfarë të bëjmë atje?!”, shkruan Rama në Twitter.

/a.r