Gjatë darkës shtetërore në Shtëpinë e Bardhë, Mbreti Karli III gjatë fjalimit të tij, iu përgjigj me humor deklaratave të mëparshme të Donald Trump, duke shkaktuar edhe reagime pozitive mes të pranishmëve.
Duke rikujtuar një koment të Trump në “World Economic Forum Davos”, ku ai kishte theksuar rolin e SHBA-së në Luftën e Dytë Botërore, Karli III u shpreh me ironi:
“Kohët e fundit, z. President, ju thatë se pa Shtetet e Bashkuara të Amerikës, vendet evropiane do të flisnin gjermanisht dhe pak Japonisht. Do të guxoja të thoja se pa ne, ju do të flisnit frëngjisht.”
Deklarata u prit me të qeshura nga të ftuarit, duke reflektuar një moment të lehtë në një event me rëndësi diplomatike.
Komenti i mbretit u interpretua si një batutë që nënvizon lidhjet historike dhe kulturore midis Mbretërisë së Bashkuar, Evropës dhe Shteteve të Bashkuara.
