Kryedemokrati Lulzim Basha në bashkëbisedimin me gazetarët i ka dërguar një mesazh të fortë kryeministrit Edi Rama.
Ai e fton të tërheq ligjin për shembjen e teatrit dhe ngritjen e një të riu.
Basha njofton se nëse Rama do kalojë vijën e kuqe, pasojat do të jenë të paparashikueshme.
“Të tërhiqet menjëherë pa bërë gëk mëk. Shansin ia ka dhënë Presidenti me kthimin e ligjit. E përshendes personalisht këtu kreun e shtetit. Të tërheq ligjin Fusha, mos t’i shkojë ndërmend ta sjellë në seancë se do të përballet me pasojat më të paparashikueshme. Do të jetë shpallje e konfrontimit dhe e përplasjes civile”.
Ndërsa e konsideroi ligjin për shembjen e teatrit, si vijën e kuqe, Basha apeloi kryeministrin Rama, të mos e kalojë atë, pasi pasojat do të jenë të paparashikueshme.
‘Miratimi i ligjit në parlament, do të thotë të asgjësosh kushtetutën të grabitësh pronën publike për të pastruar paratë e drogës. Ajo është vija e kuqe, pastaj gjithcka do të jetë në dorë te qytetareve dhe ketu nuk dikton me opozita’ u shpreh Basha.
